Gedoweb Online - Xafladdi Wasiirka Dib U Heshisiinta iyo Nabadeynta Mudane C/rashiid Xaaji Deerow

Xafladd si aad ah loo soo agaasimay oo lagu soo dhaweynayey Wasiirka Dib u heshiisiinta iyo nabadaynta Mudane c/rashiid xaaji Deerow ayaa maanta ka dhacdey Xaafadda Holloway ee Waqooyiga magaaladda London. Xafladdan oo ay soo qaban qaabiyeen qaar ka mid ah Jaalliyadda Soomaaliyeed. ee magaaladda london ayaa waxaa halkaasi markii ugu horeysay ka hadley Shiikh Maxamuud Shiikh Daahir oo halkaasi ka jeediya wacdi iyo afkaar kale oo wax ku ool ah, sidoo kale waxaa halkaasi hadallo wax ku ool ah ka soo jeediyey Khadiijo Maxamed Shire oo ka mid ah Ururka Haweenka Soomaaliyeed ee London,waxayna mahad naq usoo jeedisay kasoo qayb galayaashii Daawo Masawirada

kulankan aadka loo soo agaasimay maadama haween ahaan ay ahaayeen kuwii ka danbeeyey qabanqaabada iyo suurta gelin kulankan quruxda badnaa intaas kadibna waxaa cod baahiyaha daadihiyihii kulanka mr durraan shirwac kusoo dhaweeyey si gooni gooni ah oo halkaa ka hadlay cabdi diiriye(cabdi-dheere) farxaan ugaas cumar, aaden cilmi iyo weliba hooyo nuuro caanood ah abwaanad cod kara oo halkaa halkaa kasoo jeedisay erayo dhiira gelin iyo xamaasad ku beeray kasoo qayb galayaashii kulankaan soo dhaweynta iyo xog waraysiga ahaa waxayna halkaas kusoo bandhigtay suugaan noocyo kala gedisan leh oo aad u xiisa badan

kadibna waxaa halkaa ka hadlay c/llaahi jimcaale faarax oo warbixin ku aadan jaaliyada kasoo jeedayey madashaa waxuuna halkaa ka yiri war la qabaa xiisa malahan
hadal badana haan ma buuxshee waxaan wasiir kugusoo dhaweynayaa codbaahiyaha
si aad warbixin dhaba nooga siiso xaalada dhan walbaa oo ka jirta dalkii
waxaana hadalkii qaatay wasiirka wasaarada dib u dajinta iyo nabadeynta dawlada
ku meelgaarka ee fadaraalkaa mudane- c/rashiid xaaji deeroow
Xafladdan oo ahayd mid looga warqaadanayey Wasiirka Dib U Heshiisiinta iyo Nabadeyinta kaaso siiyey Jaalliyadda warbixin ku saabsan xaaladda uu Dalku maanta ku suganyahay hadey noqon lahayd dhanka nabadeynta,dib u heshiisiinta iyo marxaladaha kala gedisan ee dalku marayo sida abaaraha iwm

waxuuna ugu dambeyn kusoo gunaanaday kana codsadey Jaalliyadda in ay ku biiriyaan Tallo iyo Tusaalle
sidii lagu gaari lahaa dib u heshiisiin buuxda maadama jaaliyadaha dibada
ay kaalin buuxda ka qaadan karaan dib u heshiisiinta iyo dib u dhiska dalka
taasoon inta badan looga baran masuuliyiinta dawlada inay talo bixin waydiistaan
shacabka soomaaliyeed waana talaabo aad u wanaagsan oo ku dayasho mudan
midii uu mudane c/rashiid xaaji deeroow uu kaga codsaday shacabka uu masuulka ka yahay inay rayigooda iyo talo bixintooda ay usoo bandhigaan oo ay lama huraan tahay
taasoo ayuu yiri inay aas aas u noqon karto rayigoodu nabadaynta dalka.

waxaana halkaa oraahdooda iyo talo bixinba kasoo jeediyey xubno ay ka mid ahaayeen,
Gen- xusseen shuqul
Col- c/weli sheekh(nucnuc)
Col- xasan nuur colujoog
Amb- axmed shiikh maxamed
Mr- suldaan axmed nuur
Pro- xasan cali maxame
Mr- cllaahi garoon
iyo dad kaloo fara badan
waxuuna wasiirku ka balanqaaday inuu waxii talo iyo tusaale jaaliyadeed ah uu u
gudbindoono dawlada kumeelgaarkaa oo uu wasiirka ka yahay
kulankiina waxuu kusoo gabagaboobay jawi aad u qurux badan oo ay kuwada qanceen
kasoo qayb galayaashii madasha isugu yimid oo boqolaalo kor u dhaafayey.

waxaana barnaamijkaas xiriirinta iyo daadahayntiisaba hormuud u ahaa
durraan c/llaahi shirwac cam- raage m shirre

durraan shirwac -dshirwa@yahoo.com
01-11-2009
london/uk